yaro nae mausam ne ye ehsan kiye hain
ab yaad mujhe dard purane nahin aate

Bashir Badr

---

---

wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin

Bashir Badr

---

---

unhin raston ne jin par kabhi tum the sath mere
mujhe rok rok puchha tera ham-safar kahan hai

Bashir Badr

---

---

wo jin ke zikr se ragon mein dauDti thin bijliyan
unhin ka hath hum ne chhu ke dekha kitna sard hai

Bashir Badr

---

---

wo itr-dan sa lahja mere buzurgon ka
rachi-basi hui urdu zaban ki KHushbu

Bashir Badr

---

---

wo intizar ki chaukhaT pe so gaya hoga
kisi se waqt to puchhen ki kya baja hoga

Bashir Badr

---

---

wo chehra kitabi raha samne
baDi KHubsurat paDhai hui

Bashir Badr

---

---

wo chandni ka badan KHushbuon ka saya hai
bahut aziz hamein hai magar paraya hai

Bashir Badr

---

---

wo baDa rahim o karim hai mujhe ye sifat bhi ata kare
tujhe bhulne ki dua karun to meri dua mein asar na ho

Bashir Badr

---

---