ہائے کیا چیز تھی جوانی بھی
اب تو دن رات یاد آتی ہے

عزیز لکھنوی

---

---

آپ جس دل سے گریزاں تھے اسی دل سے ملے
دیکھیے ڈھونڈھ نکالا ہے کہاں سے میں نے

عزیز لکھنوی

---

---

عہد میں تیرے ظلم کیا نہ ہوا
خیر گزری کہ تو خدا نہ ہوا

عزیز لکھنوی

---

---

اے سوز عشق پنہاں اب قصہ مختصر ہے
اکسیر ہو چلا ہوں اک آنچ کی کسر ہے

عزیز لکھنوی

---

---

اپنے مرکز کی طرف مائل پرواز تھا حسن
بھولتا ہی نہیں عالم تری انگڑائی کا

عزیز لکھنوی

---

---

بنی ہیں شہر آشوب تمنا
خمار آلودہ آنکھیں رات بھر کی

عزیز لکھنوی

---

---

بتاؤ ایسے مریضوں کا ہے علاج کوئی
کہ جن سے حال بھی اپنا بیاں نہیں ہوتا

عزیز لکھنوی

---

---

بے خودی کوچۂ جاناں میں لیے جاتی ہے
دیکھیے کون مجھے میری خبر دیتا ہے

عزیز لکھنوی

---

---

دل کے اجزا میں نہیں ملتا کوئی جزو نشاط
اس صحیفے سے کسی نے اک ورق کم کر دیا

عزیز لکھنوی

---

---