سوز غم سے اشک کا ایک ایک قطرہ جل گیا
آگ پانی میں لگی ایسی کہ دریا جل گیا

عزیز لکھنوی

---

---

پھوٹ نکلا زہر سارے جسم میں
جب کبھی آنسو ہمارے تھم گئے

عزیز لکھنوی

---

---

پیدا وہ بات کر کہ تجھے روئیں دوسرے
رونا خود اپنے حال پہ یہ زار زار کیا

create that aspect in yourself that others cry for thee

عزیز لکھنوی

---

---

مصیبت تھی ہمارے ہی لئے کیوں
یہ مانا ہم جئے لیکن جئے کیوں

عزیز لکھنوی

---

---

مجھ کو کعبہ میں بھی ہمیشہ شیخ
یاد ایام بت پرستی تھی

عزیز لکھنوی

---

---

مرے دہن میں اگر آپ کی زباں ہوتی
تو پھر کچھ اور ہی عنوان داستاں ہوتا

عزیز لکھنوی

---

---

منزل ہستی میں اک یوسف کی تھی مجھ کو تلاش
اب جو دیکھا کارواں کا کارواں ملتا نہیں

عزیز لکھنوی

---

---

میں تو ہستی کو سمجھتا ہوں سراسر اک گناہ
پاک دامانی کا دعویٰ ہو تو کس بنیاد پر

عزیز لکھنوی

---

---

مانا کہ بزم حسن کے آداب ہیں بہت
جب دل پہ اختیار نہ ہو کیا کرے کوئی

عزیز لکھنوی

---

---