پیدا وہ بات کر کہ تجھے روئیں دوسرے
رونا خود اپنے حال پہ یہ زار زار کیا

create that aspect in yourself that others cry for thee

عزیز لکھنوی

---

---

شیشۂ دل کو یوں نہ اٹھاؤ
دیکھو ہاتھ سے چھوٹا ہوتا

عزیز لکھنوی

---

---

شمع بجھ کر رہ گئی پروانہ جل کر رہ گیا
یادگار‌ حسن و عشق اک داغ دل پر رہ گیا

عزیز لکھنوی

---

---

سبق آ کے گور غریباں سے لے لو
خموشی مدرس ہے اس انجمن میں

عزیز لکھنوی

---

---

قتل اور مجھ سے سخت جاں کا قتل
تیغ دیکھو ذرا کمر دیکھو

عزیز لکھنوی

---

---

قفس میں جی نہیں لگتا ہے آہ پھر بھی مرا
یہ جانتا ہوں کہ تنکا بھی آشیاں میں نہیں

عزیز لکھنوی

---

---

پھوٹ نکلا زہر سارے جسم میں
جب کبھی آنسو ہمارے تھم گئے

عزیز لکھنوی

---

---

میں تو ہستی کو سمجھتا ہوں سراسر اک گناہ
پاک دامانی کا دعویٰ ہو تو کس بنیاد پر

عزیز لکھنوی

---

---

منزل ہستی میں اک یوسف کی تھی مجھ کو تلاش
اب جو دیکھا کارواں کا کارواں ملتا نہیں

عزیز لکھنوی

---

---