اک نور تھا کہ پچھلے پہر ہم سفر ہوا
مجھ کو قبا کا چاک ہی چاک سحر ہوا
سیلاب امنڈ کے شہر کی گلیوں میں آ گئے
لیکن غریب شہر کا دامن نہ تر ہوا
زندان آرزو میں نظر بے بصر رہی
دیوار در ہوئی تو کرن کا گزر ہوا
وہ آندھیاں چلی ہیں کہ اشجار اکھڑ گئے
دکان شیشہ گر پہ نہ پھر بھی اثر ہوا
اب کون دیکھتا پھرے کیوں بام و در جلے
جو کچھ ہوا ہے فصل چمن سے ادھر ہوا
غزل
اک نور تھا کہ پچھلے پہر ہم سفر ہوا
اختر ہوشیارپوری