TuTa to hun magar abhi bikhra nahin 'faraaz'
mere badan pe jaise shikaston ka jal ho

Ahmad Faraz

---

---

ujaD ghar mein ye KHushbu kahan se aai hai
koi to hai dar-o-diwar ke alawa bhi

Ahmad Faraz

---

---

umr bhar kaun nibhata hai talluq itna
ai meri jaan ke dushman tujhe allah rakkhe

Ahmad Faraz

---

---

us ka kya hai tum na sahi to chahne wale aur bahut
tark-e-mohabbat karne walo tum tanha rah jaoge

Ahmad Faraz

---

---

us ko juda hue bhi zamana bahut hua
ab kya kahen ye qissa purana bahut hua

Ahmad Faraz

---

---

wo apne zoam mein tha be-KHabar raha mujh se
use KHabar hi nahin main nahin raha us ka

Ahmad Faraz

---

---

wo jis ghamanD se bichhDa gila to is ka hai
ki sari baat mohabbat mein rakh-rakhaw ki thi

Ahmad Faraz

---

---

wo KHar KHar hai shaKH-e-gulab ki manind
main zaKHm zaKHm hun phir bhi gale lagaun use

Ahmad Faraz

---

---

wo samne hain magar tishnagi nahin jati
ye kya sitam hai ki dariya sarab jaisa hai

Ahmad Faraz

---

---