dil-girafta hi sahi bazm saja li jae
yaad-e-jaanan se koi sham na KHali jae

Ahmad Faraz

---

---

dil ko teri chahat pe bharosa bhi bahut hai
aur tujh se bichhaD jaane ka Dar bhi nahin jata

Ahmad Faraz

---

---

dil ka dukh jaana to dil ka masala hai par hamein
us ka hans dena hamare haal par achchha laga

Ahmad Faraz

---

---

dil bhi pagal hai ki us shaKHs se wabasta hai
jo kisi aur ka hone de na apna rakkhe

Ahmad Faraz

---

---

DhunD ujDe hue logon mein wafa ke moti
ye KHazane tujhe mumkin hai KHarabon mein milen

seek ye pearls of faithfulness in those lost and drowned
it well could be these treasures in wastelands do abound

Ahmad Faraz

---

---

dekho ye kisi aur ki aankhen hain ki meri
dekhun ye kisi aur ka chehra hai ki tum ho

Ahmad Faraz

---

---

dekha mujhe to tark-e-talluq ke bawajud
wo muskura diya ye hunar bhi usi ka tha

Ahmad Faraz

---

---

chup-chap apni aag mein jalte raho 'faraaz'
duniya to arz-e-haal se be-abru kare

Ahmad Faraz

---

---

chale the yar baDe zoam mein hawa ki tarah
palaT ke dekha to baiThe hain naqsh-e-pa ki tarah

Ahmad Faraz

---

---