so dekh kar tere ruKHsar o lab yaqin aaya
ki phul khilte hain gulzar ke alawa bhi

Ahmad Faraz

---

---

suna hai bole to baaton se phul jhaDte hain
ye baat hai to chalo baat kar ke dekhte hain

Ahmad Faraz

---

---

suna hai log use aankh bhar ke dekhte hain
so us ke shahr mein kuchh din Thahar ke dekhte hain

Ahmad Faraz

---

---

suna hai us ke badan ki tarash aisi hai
ki phul apni qabaen katar ke dekhte hain

Ahmad Faraz

---

---

suna hai us ko bhi hai sher o shairi se shaghaf
so hum bhi mojaze apne hunar ke dekhte hain

Ahmad Faraz

---

---

tana-e-nashsha na do sab ko ki kuchh soKHta-jaan
shiddat-e-tishna-labi se bhi bahak jate hain

Ahmad Faraz

---

---

tamam umr kahan koi sath deta hai
ye jaanta hun magar thoDi dur sath chalo

Ahmad Faraz

---

---

tere baghair bhi to ghanimat hai zindagi
KHud ko ganwa ke kaun teri justuju kare

Ahmad Faraz

---

---

tere hote hue aa jati thi sari duniya
aaj tanha hun to koi nahin aane wala

Ahmad Faraz

---

---