mujh se bichhaD ke tu bhi to roega umr bhar
ye soch le ki main bhi teri KHwahishon mein hun

Ahmad Faraz

---

---

munsif ho agar tum to kab insaf karoge
mujrim hain agar hum to saza kyun nahin dete

Ahmad Faraz

---

---

muntazir kis ka hun TuTi hui dahliz pe main
kaun aaega yahan kaun hai aane wala

Ahmad Faraz

---

---

na manzilon ko na hum rahguzar ko dekhte hain
ajab safar hai ki bas ham-safar ko dekhte hain

Ahmad Faraz

---

---

na mere zaKHm khile hain na tera rang-e-hina
mausam aae hi nahin ab ke gulabon wale

Ahmad Faraz

---

---

na shab o roz hi badle hain na haal achchha hai
kis barhaman ne kaha tha ki ye sal achchha hai

Ahmad Faraz

---

---

na tera qurb na baada hai kya kiya jae
phir aaj dukh bhi ziyaada hai kya kiya jae

Ahmad Faraz

---

---

na tujh ko mat hui hai na mujh ko mat hui
so ab ke donon hi chaalen badal ke dekhte hain

Ahmad Faraz

---

---

naseha tujh ko KHabar kya ki mohabbat kya hai
roz aa jata hai samjhata hai yun hai yun hai

Ahmad Faraz

---

---