zabt lazim hai magar dukh hai qayamat ka 'faraaz'
zalim ab ke bhi na roega to mar jaega

Ahmad Faraz

---

---

zindagi par is se baDh kar tanz kya hoga 'faraaz'
us ka ye kahna ki tu shaer hai diwana nahin

Ahmad Faraz

---

---

zindagi phaili hui thi sham-e-hijran ki tarah
kis ko itna hausla tha kaun ji kar dekhta

Ahmad Faraz

---

---

zindagi se yahi gila hai mujhe
tu bahut der se mila hai mujhe

Ahmad Faraz

---

---

zindagi teri ata thi so tere nam ki hai
hum ne jaise bhi basar ki tera ehsan jaanan

Ahmad Faraz

---

---