samne umr paDi hai shab-e-tanhai ki
wo mujhe chhoD gaya sham se pahle pahle

Ahmad Faraz

---

---

saqi ye KHamoshi bhi to kuchh ghaur-talab hai
saqi tere mai-KHwar baDi der se chup hain

Ahmad Faraz

---

---

saqiya ek nazar jam se pahle pahle
hum ko jaana hai kahin sham se pahle pahle

Ahmad Faraz

---

---

sab KHwahishen puri hon 'faraaz' aisa nahin hai
jaise kai ashaar mukammal nahin hote

Ahmad Faraz

---

---

shahr-walon ki mohabbat ka main qael hun magar
main ne jis hath ko chuma wahi KHanjar nikla

Ahmad Faraz

---

---

shiddat-e-tishnagi mein bhi ghairat-e-mai-kashi rahi
us ne jo pher li nazar main ne bhi jam rakh diya

Ahmad Faraz

---

---

silsile toD gaya wo sabhi jate jate
warna itne to marasim the ki aate jate

Ahmad Faraz

---

---

silwaTen hain mere chehre pe to hairat kyun hai
zindagi ne mujhe kuchh tum se ziyaada pahna

Ahmad Faraz

---

---

sitam to ye hai ki zalim suKHan-shanas nahin
wo ek shaKHs ki shaer bana gaya mujh ko

Ahmad Faraz

---

---