hamari zindagi-o-maut ki ho tum raunaq
charagh-e-bazm bhi ho aur charagh-e-fan bhi ho

Rasheed lakhnavi

---

---

aap aae hain so ab ghar mein ujala hai bahut
kahiye jalti rahe ya shama bujha di jae

Saba Akbarabadi

---

---

aunaq-e-bazm nahin tha koi tujh se pahle
raunaq-e-bazm tere baad nahin hai koi

Sarfraz Khalid

---

---

shajar ne lahlaha kar aur hawa ne chum kar mujh ko
teri aamad ke afsane sunae jhum kar mujh ko

Shahid Meer

---

---

ye kis zohra-jabin ki anjuman mein aamad aamad hai
bichhaya hai qamar ne chandni ka farsh mahfil mein

Syed Yusuf Ali Khan Nazim

---

---