nafrat ke KHazane mein to kuchh bhi nahin baqi
thoDa guzare ke liye pyar bachaen

Irfan Siddiqi

---

---

hamara KHun ka rishta hai sarhadon ka nahin
hamare KHun mein ganga bhi chanab bhi hai

Kanval Ziai

---

---

mere sehan par khula aasman rahe ki main
use dhup chhanw mein banTana nahin chahta

Khaavar Ejaz

---

---

ajib dard ka rishta hai sari duniya mein
kahin ho jalta makan apna ghar lage hai mujhe

Malikzada Manzoor Ahmad

---

---

mujh mein thoDi si jagah bhi nahin nafrat ke liye
main to har waqt mohabbat se bhara rahta hun

Mirza Athar Zia

---

---

pi sharab nam-e-rindan ta asar sun kaif ke
zikr-e-allah allah ho we gar kahe tu ram ram

Qurbi Velori

---

---

kisi ka koi mar jae hamare ghar mein matam hai
gharaz barah mahine tis din hum ko moharram hai

Rind Lakhnavi

---

---