ai mohtasib na phenk mere mohtasib na phenk
zalim sharab hai are zalim sharab hai

Jigar Moradabadi

---

---

garche ahl-e-sharab hain hum log
ye na samjho KHarab hain hum log

Jigar Moradabadi

---

---

kidhar se barq chamakti hai dekhen ai waiz
main apna jam uThata hun tu kitab uTha

where does lightening strike, priest, let us look
I will raise my glass you raise your holy book

Jigar Moradabadi

---

---

pahle sharab zist thi ab zist hai sharab
koi pila raha hai piye ja raha hun main

Jigar Moradabadi

---

---

sab ko mara 'jigar' ke sheron ne
aur 'jigar' ko sharab ne mara

Jigar Moradabadi

---

---

uTha surahi ye shisha wo jam le saqi
phir is ke baad KHuda ka bhi nam le saqi

Kunwar Mahendra Singh Bedi Sahar

---

---

janab-e-shaiKH ko sujhe na phir haram o halal
abhi piyen jo mile muft ki sharab kahin

Lala Madhav Ram Jauhar

---

---