tumhaari aankhon ki tauhin hai zara socho
tumhaara chahne wala sharab pita hai

Munawwar Rana

---

---

madhosh hi raha main jahan-e-KHarab mein
gundhi gai thi kya meri miTTi sharab mein

Muztar Khairabadi

---

---

sar-chashma-e-baqa se hargiz na aab lao
hazrat KHizar kahin se ja kar sharab lao

Nazeer Akbarabadi

---

---

kuchh bhi bacha na kahne ko har baat ho gai
aao kahin sharab piyen raat ho gai

Nida Fazli

---

---

hum intizar karen hum ko itni tab nahin
pila do tum hamein pani agar sharab nahin

Nooh Narvi

---

---

jis musalle pe chhiDkiye na sharab
apne aain mein wo pak nahin

Qayem Chandpuri

---

---

mai pi jo chahe aatish-e-dozaKH se tu najat
jalta nahin wo uzw jo tar ho sharab mein

Qayem Chandpuri

---

---