aawaz de raha tha koi mujh ko KHwab mein
lekin KHabar nahin ki bulaya kahan gaya

Faisal Ajmi

---

---

ek muamma hai samajhne ka na samjhane ka
zindagi kahe ko hai KHwab hai diwane ka

Fani Badayuni

---

---

mera har KHwab to bas KHwab hi jaisa nikla
kya kisi KHwab ki tabir bhi ho sakti hai

Farhat Nadeem Humayun

---

---

dikhai deta hai jo kuchh kahin wo KHwab na ho
jo sun rahi hun wo dhoka na ho samaat ka

Fatima Hasan

---

---

KHwabon par iKHtiyar na yaadon pe zor hai
kab zindagi guzari hai apne hisab mein

Fatima Hasan

---

---

arud ke badle hathon mein aa jae kitab to achchha ho
ai kash hamari aankhon ka ikkiswan KHwab to achchha ho

Ghulam Mohammad Qasir

---

---

kitab-e-arzu ke gum-shuda kuchh bab rakkhe hain
tere takiye ke niche bhi hamare KHwab rakkhe hain

Ghulam Mohammad Qasir

---

---