ye jo raaton ko mujhe KHwab nahin aate 'ata'
is ka matlab hai mera yar KHafa hai mujh se

Ahmad Ata

---

---

zindagi KHwab hai aur KHwab bhi aisa ki miyan
sochte rahiye ki is KHwab ki tabir hai kya

Ahmad Ata

---

---

aashiqi mein 'mir' jaise KHwab mat dekha karo
bawle ho jaoge mahtab mat dekha karo

Ahmad Faraz

---

---

main ne dekha hai bahaaron mein chaman ko jalte
hai koi KHwab ki tabir batane wala

Ahmad Faraz

---

---

aat kya soe ki baqi umr ki nind uD gai
KHwab kya dekha ki dhaDka lag gaya tabir ka

Ahmad Faraz

---

---

nindon mein phir raha hun use DhunDhta hua
shamil jo ek KHwab mere rat-jage mein tha

Ahmad Mushtaq

---

---

aaton ko jagte hain isi waste ki KHwab
dekhega band aankhen to phir lauT jaega

Ahmad Shahryar

---

---