جنت ملی جھوٹوں کو اگر جھوٹ کے بدلے
سچوں کو سزا میں ہے جہنم بھی گوارا

احمد ندیم قاسمی

---

---

یہ جنت مبارک رہے زاہدوں کو
کہ میں آپ کا سامنا چاہتا ہوں

علامہ اقبال

---

---

کہتے ہیں جس کو جنت وہ اک جھلک ہے تیری
سب واعظوں کی باقی رنگیں بیانیاں ہیں

الطاف حسین حالی

---

---

جس میں لاکھوں برس کی حوریں ہوں
ایسی جنت کو کیا کرے کوئی

where virgins aged a million years reside
hopes for such a heaven why abide

داغؔ دہلوی

---

---

اپنی جنت مجھے دکھلا نہ سکا تو واعظ
کوچۂ یار میں چل دیکھ لے جنت میری

فانی بدایونی

---

---

گناہ گار کے دل سے نہ بچ کے چل زاہد
یہیں کہیں تری جنت بھی پائی جاتی ہے

جگر مراد آبادی

---

---