phir wahi lambi do-pahren-surmai hain phir wahi dil ki haalat hai
bahar kitna sannaTa hai andar kitni wahshat hai

Aitbar Sajid

---

---

dil-lagi mein hasrat-e-dil kuchh nikal jati to hai
bose le lete hain hum do-chaar hanste bolte

Amirullah Tasleem

---

---

koi dil-lagi dil lagana nahin hai
qayamat hai ye dil ka aana nahin hai

Dattatriya Kaifi

---

---

dard-e-dil ki unhen KHabar kya ho
jaanta kaun hai parai choT

Fani Badayuni

---

---

qadmon pe Dar ke rakh diya sar taki uTh na jaen
naraaz dil-lagi mein jo wo ek zara hue

Habeeb Musvi

---

---

dil lagao to lagao dil se dil
dil-lagi hi dil-lagi achchhi nahin

Hafeez Jalandhari

---

---

chheDne ka to maza jab hai kaho aur suno
baat mein tum to KHafa ho gae lo aur suno

Insha Allah Khan u0027Inshau0027

---

---