کر کے دفن اپنے پرائے چل دیے
بیکسی کا قبر پر ماتم رہا

احسن مارہروی

---

---

ادھر سے آج وہ گزرے تو منہ پھیرے ہوئے گزرے
اب ان سے بھی ہماری بے کسی دیکھی نہیں جاتی

اثر لکھنوی

---

---

بات کرنی مجھے مشکل کبھی ایسی تو نہ تھی
جیسی اب ہے تری محفل کبھی ایسی تو نہ تھی

conversing has never been so diffficult for me
your company now is no more as it used to be

بہادر شاہ ظفر

---

---

کشتیاں ٹوٹ گئی ہیں ساری
اب لیے پھرتا ہے دریا ہم کو

باقی صدیقی

---

---

میں بولتا ہوں تو الزام ہے بغاوت کا
میں چپ رہوں تو بڑی بے بسی سی ہوتی ہے

بشیر بدر

---

---

سب نے غربت میں مجھ کو چھوڑ دیا
اک مری بے کسی نہیں جاتی

بیدم شاہ وارثی

---

---

عاشق کی بے کسی کا تو عالم نہ پوچھیے
مجنوں پہ کیا گزر گئی صحرا گواہ ہے

حفیظ جونپوری

---

---