silsila gabru musalman ki adawat ka miTa
ai pari be-parda ho kar subha-e-zunnar toD

Muneer Shikohabadi

---

---

sunti hai roz naghma-e-zanjir-e-ashiqan
wo zulf bhi hai silsila-e-ahl-e-chisht mein

Muneer Shikohabadi

---

---

surKHi shafaq ki zard ho galon ke samne
pani bhare ghaTa tere baalon ke samne

Muneer Shikohabadi

---

---

tarif roz lete ho apne ghurur ki
mujh ko barahman-e-but-e-pindar kar diya

Muneer Shikohabadi

---

---

tegh-e-abru ke mujhe zaKHm-kuhan yaad aae
mah-e-nau ko bhi main talwar purani samjha

Muneer Shikohabadi

---

---

teri furqat mein sharab-e-aish ka toDa hua
jam-e-mai dast-e-subu ke waste phoDa hua

Muneer Shikohabadi

---

---

tere kuche se juda rote hain shab ko aashiq
aaj-kal barish-e-shabnam hai chaman se baha

Muneer Shikohabadi

---

---

uljha hai magar zulf mein taqrir ka lachha
suljhi hui hum ne na suni baat tumhaari

Muneer Shikohabadi

---

---

us but ke nahane se hua saf ye pani
moti bhi sadaf mein tah-e-dariya nazar aaya

Muneer Shikohabadi

---

---