ustad ke ehsan ka kar shukr 'munir' aaj
ki ahl-e-suKHan ne teri tarif baDi baat

Muneer Shikohabadi

---

---

tegh-e-abru ke mujhe zaKHm-kuhan yaad aae
mah-e-nau ko bhi main talwar purani samjha

Muneer Shikohabadi

---

---

teri furqat mein sharab-e-aish ka toDa hua
jam-e-mai dast-e-subu ke waste phoDa hua

Muneer Shikohabadi

---

---

tere kuche se juda rote hain shab ko aashiq
aaj-kal barish-e-shabnam hai chaman se baha

Muneer Shikohabadi

---

---

uljha hai magar zulf mein taqrir ka lachha
suljhi hui hum ne na suni baat tumhaari

Muneer Shikohabadi

---

---

us but ke nahane se hua saf ye pani
moti bhi sadaf mein tah-e-dariya nazar aaya

Muneer Shikohabadi

---

---

usi hur ki rangat uDi rone se hamare
rang-e-gul-e-firdaus bhi kachcha nazar aaya

Muneer Shikohabadi

---

---

zahido puja tumhaari KHub hogi hashr mein
but bana degi tumhein ye haq-parasti ek din

Muneer Shikohabadi

---

---

yaad us but ki namazon mein jo aai mujh ko
tapish-e-shauq se har bar mein baiTha uTTha

Muneer Shikohabadi

---

---