aa gai yaad sham Dhalte hi
bujh gaya dil charagh jalte hi

Muneer Niyazi

---

---

aankhon mein uD rahi hai luTi mahfilon ki dhul
ibrat-sara-e-dahr hai aur hum hain dosto

Muneer Niyazi

---

---

aadat hi bana li hai tum ne to 'munir' apni
jis shahr mein bhi rahna uktae hue rahna

Muneer Niyazi

---

---

aawaz de ke dekh lo shayad wo mil hi jae
warna ye umr bhar ka safar raegan to hai

Muneer Niyazi

---

---

ab kaun muntazir hai hamare liye wahan
sham aa gai hai lauT ke ghar jaen hum to kya

Muneer Niyazi

---

---

ab kisi mein agle waqton ki wafa baqi nahin
sab qabile ek hain ab sari zaten ek si

Muneer Niyazi

---

---

achchhi misal bantin zahir agar wo hotin
in nekiyon ko hum to dariya mein Dal aae

Muneer Niyazi

---

---

aisa safar hai jis ki koi intiha nahin
aisa makan hai jis mein koi ham-nafas nahin

Muneer Niyazi

---

---

apne gharon se dur banon mein phirte hue aawara logo
kabhi kabhi jab waqt mile to apne ghar bhi jate rahna

Muneer Niyazi

---

---