echain bahut phirna ghabrae hue rahna
ek aag si jazbon ki dahkae hue rahna

Muneer Niyazi

---

---

chand chaDhta dekhna behad samundar par 'munir'
dekhna phir bahr ko us ki kashish se jagta

Muneer Niyazi

---

---

chahta hun main 'munir' is umr ke anjam par
ek aisi zindagi jo is tarah mushkil na ho

Muneer Niyazi

---

---

chamak zar ki use aaKHir makan-e-KHak mein lai
banaya sanp ne jismon mein ghar aahista aahista

Muneer Niyazi

---

---

Dar ke kisi se chhup jata hai jaise sanp KHazane mein
zar ke zor se zinda hain sab KHak ke is virane mein

Muneer Niyazi

---

---

dasht-e-baran ki hawa se phir hara sa ho gaya
main faqat KHushbu se us ki taza-dam sa ho gaya

Muneer Niyazi

---

---

dekhe hue se lagte hain raste makan makin
jis shahr mein bhaTak ke jidhar jae aadmi

Muneer Niyazi

---

---

dil ajab mushkil mein hai ab asl raste ki taraf
yaad pichhe khinchti hai aas aage ki taraf

Muneer Niyazi

---

---

dil ki KHalish to sath rahegi tamam umr
dariya-e-gham ke par utar jaen hum to kya

Muneer Niyazi

---

---