ghairon se mil ke hi sahi be-bak to hua
bare wo shoKH pahle se chaalak to hua
Muneer Niyazi
aa gai yaad sham Dhalte hi
bujh gaya dil charagh jalte hi
Muneer Niyazi
ghair se nafat jo pa li KHarch KHud par ho gai
jitne hum the hum ne KHud ko us se aadha kar liya
Muneer Niyazi
ek waris hamesha hota hai
taKHt KHali raha nahin karta
Muneer Niyazi
ek dasht-e-la-makan phaila hai mere har taraf
dasht se niklun to ja kar kin Thikanon mein rahun
Muneer Niyazi
Dub chala hai zahr mein us ki aankhon ka har rup
diwaron par phail rahi hai phiki phiki dhup
Muneer Niyazi
din bhar jo suraj ke Dar se galiyon mein chhup rahte hain
sham aate hi aankhon mein wo rang purane aa jate hain
Muneer Niyazi
dil ki KHalish to sath rahegi tamam umr
dariya-e-gham ke par utar jaen hum to kya
Muneer Niyazi
dil ajab mushkil mein hai ab asl raste ki taraf
yaad pichhe khinchti hai aas aage ki taraf
Muneer Niyazi