Dar ke kisi se chhup jata hai jaise sanp KHazane mein
zar ke zor se zinda hain sab KHak ke is virane mein
Muneer Niyazi
dasht-e-baran ki hawa se phir hara sa ho gaya
main faqat KHushbu se us ki taza-dam sa ho gaya
Muneer Niyazi
dekhe hue se lagte hain raste makan makin
jis shahr mein bhaTak ke jidhar jae aadmi
Muneer Niyazi
dil ajab mushkil mein hai ab asl raste ki taraf
yaad pichhe khinchti hai aas aage ki taraf
Muneer Niyazi
dil ki KHalish to sath rahegi tamam umr
dariya-e-gham ke par utar jaen hum to kya
Muneer Niyazi
din bhar jo suraj ke Dar se galiyon mein chhup rahte hain
sham aate hi aankhon mein wo rang purane aa jate hain
Muneer Niyazi
Dub chala hai zahr mein us ki aankhon ka har rup
diwaron par phail rahi hai phiki phiki dhup
Muneer Niyazi
ek dasht-e-la-makan phaila hai mere har taraf
dasht se niklun to ja kar kin Thikanon mein rahun
Muneer Niyazi
ek waris hamesha hota hai
taKHt KHali raha nahin karta
Muneer Niyazi