'munir' achchha nahin lagta ye tera
kisi ke hijr mein bimar hona

Muneer Niyazi

---

---

mujh se bahut qarib hai tu phir bhi ai 'munir'
parda sa koi mere tere darmiyan to hai

Muneer Niyazi

---

---

muddat ke baad aaj use dekh kar 'munir'
ek bar dil to dhaDka magar phir sambhal gaya

Muneer Niyazi

---

---

mohabbat ab nahin hogi ye kuchh din baad mein hogi
guzar jaenge jab ye din ye un ki yaad mein hogi

Muneer Niyazi

---

---

mere pas aisa tilism hai jo kai zamanon ka ism hai
use jab bhi socha bula liya use jo bhi chaha bana diya

Muneer Niyazi

---

---

milti nahin panah hamein jis zamin par
ek hashr us zamin pe uTha dena chahiye

Muneer Niyazi

---

---

liye phira jo mujhe dar-ba-dar zamane mein
KHayal tujh ko dil-e-be-qarar kis ka tha

Muneer Niyazi

---

---

lai hai ab uDa ke gae mausamon ki bas
barkha ki rut ka qahr hai aur hum hain dosto

Muneer Niyazi

---

---

kyun 'munir' apni tabahi ka ye kaisa shikwa
jitna taqdir mein likkha hai ada hota hai

Muneer Niyazi

---

---