hasti hi apni kya hai zamane ke samne
ek KHwab hain jahan mein bikhar jaen hum to kya

Muneer Niyazi

---

---

hum bhi 'munir' ab duniya-dari kar ke waqt guzarenge
hote hote jine ke bhi lakh bahane aa jate hain

Muneer Niyazi

---

---

hai 'munir' teri nigah mein
koi baat gahre malal ki

Muneer Niyazi

---

---

hai 'munir' hairat-e-mustaqil
main khaDa hun aaise maqam pa

Muneer Niyazi

---

---

ghaTa dekh kar KHush huin laDkiyan
chhaton par khile phul barsat ke

Muneer Niyazi

---

---

gham ki barish ne bhi tere naqsh ko dhoya nahin
tu ne mujh ko kho diya main ne tujhe khoya nahin

Muneer Niyazi

---

---

gali ke bahar tamam manzar badal gae the
jo saya-e-ku-e-yar utra to main ne dekha

Muneer Niyazi

---

---

ghairon se mil ke hi sahi be-bak to hua
bare wo shoKH pahle se chaalak to hua

Muneer Niyazi

---

---

ghair se nafrat jo pa li KHarch KHud par ho gai
jitne hum the hum ne KHud ko us se aadha kar liya

Muneer Niyazi

---

---