آ جائے کہیں باد کا جھونکا تو مزا ہو
ظالم ترے مکھڑے سے دوپٹہ جو الٹ جائے
محمد امان نثار
دیکھے کہیں رستے میں کھڑا مجھ کو تو ضد سے
آتا ہو ادھر کو تو ادھر ہی کو پلٹ جائے
محمد امان نثار
جوں جوں نہیں دیکھے ہے نثارؔ اپنے صنم کو
توں توں یہی کہتا ہے خدا جانیے کیا ہے
محمد امان نثار
خنجر نہ کمر میں ہے نہ تلوار رکھے ہے
آنکھوں ہی میں چاہے ہے جسے مار رکھے ہے
محمد امان نثار
کس جفا کار سے ہم عہد وفا کر بیٹھے
آخر اس بات نے اک روز پشیمان کیا
محمد امان نثار
کیا فسوں تو نے خدا جانے یہ ہم پر مارا
تجھ سے پھرتا نہیں دل ہم نے بہت سر مارا
محمد امان نثار
مت منہ سے نثارؔ اپنے کو اے جان برا کہہ
ہے صاحب غیرت کہیں کچھ کھا کے نہ مر جائے
محمد امان نثار
مجھ میں اور ان میں سبب کیا جو لڑائی ہوگی
یہ ہوائی کسی دشمن نے اڑائی ہوگی
محمد امان نثار
تھا جنہیں حسن پرستی سے ہمیشہ انکار
وہ بھی اب طالب دیدار ہیں کن کے ان کے
محمد امان نثار