ai mere panw ke chhaalo mere ham-rah raho
imtihan saKHt hai tum chhoD ke jate kyun ho

Laiq Aajiz

---

---

dushmanon ko dost bhai ko sitamgar kah diya
log kyun barham hain kya shishe ko patthar kah diya

Laiq Aajiz

---

---

khetiyan chhaalon ki hoti thin lahu ugte the
kitna zarKHez tha wo dar-badari ka mausam

Laiq Aajiz

---

---

kirnon ko wo bazar mein bech aaya hai
shayad ki kai din se tha bhuka suraj

Laiq Aajiz

---

---

mein chahta hun talluq ke darmiyan parda
wo chahta hai mere haal par nazar karna

Laiq Aajiz

---

---

meri tarik shabon mein hai ujala in se
chand se zaKHmon pe marham ye lagate kyun ho

Laiq Aajiz

---

---

mujhe to jo bhi mila hai azab ki surat
meri hayat hai ek tishna KHwab ki surat

Laiq Aajiz

---

---

qalam uThaun ki bachchon ki zindagi dekhun
paDa hua hai dorahe pe ab hunar mera

Laiq Aajiz

---

---

sham hote hi bujh gaya 'ajiz'
ek muflis ka KHwab tha na raha

Laiq Aajiz

---

---