aankh kis lafz pe bhar aai hai
kaun si baat pe dil TuTa hai

Khalid Sharif

---

---

aaj kuchh rang digar hai mere ghar ka 'KHalid'
sochta hun ye teri yaad hai ya KHud tu hai

Khalid Sharif

---

---

aaj se ek dusre ko qatl karna hai hamein
tu mera paikar nahin hai main tera saya nahin

Khalid Sharif

---

---

aasman jhank raha hai 'KHalid'
chand kamre mein mere utra hai

Khalid Sharif

---

---

ichhDa kuchh is ada se ki rut hi badal gai
ek shaKHs sare shahr ko viran kar gaya

Khalid Sharif

---

---

'KHalid' main baat baat pe kahta tha jis ko jaan
wo shaKHs aaKHirash mujhe be-jaan kar gaya

Khalid Sharif

---

---

nakaam hasraton ke siwa kuchh nahin raha
duniya mein ab dukhon ke siwa kuchh nahin raha

Khalid Sharif

---

---

wo to gaya ab apni ana ko sameT le
ai gham-gusar dast-e-dua ko sameT le

Khalid Sharif

---

---

zaKHm risne laga hai phir shayad
yaad us ne kiya hai phir shayad

Khalid Sharif

---

---