ruKHsat hua to baat meri man kar gaya
jo us ke pas tha wo mujhe dan kar gaya
bichhDa kuchh is ada se ki rut hi badal gai
ek shaKHs sare shahr ko viran kar gaya
dilchasp waqia hai ki kal ek aziz dost
apne mafad par mujhe qurban kar gaya
kitni sudhar gai hai judai mein zindagi
han wo jafa se mujh pe to ehsan kar gaya
'KHalid' main baat baat pe kahta tha jis ko jaan
wo shaKHs aaKHirash mujhe be-jaan kar gaya
Ghazal
RuKHsat hua to baat meri man kar gaya
Khalid Sharif