aapas ki guftugu mein bhi kaTne lagi zaban
ab doston se tark-e-mulaqat chahiye

Jafar Tahir

---

---

ai watan jab bhi sar-e-dasht koi phul khila
dekh kar tere shahidon ki nishani roya

Jafar Tahir

---

---

arsa-e-zulmat-e-hayat kaTe
ham-nafas muskura ki raat kaTe

Jafar Tahir

---

---

ek umr bhaTakte hue guzri hai junun mein
ab kaun fareb-e-nigah-e-yar mein aae

Jafar Tahir

---

---

jab bhi dekhi hai kisi chehre pe ek taza bahaar
dekh kar main teri taswir purani roya

Jafar Tahir

---

---

naz har but ke uTha pae na 'jafar-tahir'
chum kar chhoD diye hum ne ye bhaari pattha

Jafar Tahir

---

---

'tahir' KHuda ki rah mein dushwariyan sahi
ishq-e-butan mein kaun si aasaniyan rahin

Jafar Tahir

---

---

tujhe bhi dekh liya hum ne o KHuda-e-ajal
ki tera zor chala bhi to ahl-e-gham pe chala

Jafar Tahir

---

---

uTThi thi pahli bar jidhar chashm-e-arzu
wo log phir mile na wo basti nazar paDi

Jafar Tahir

---

---