آپس کی گفتگو میں بھی کٹنے لگی زباں
اب دوستوں سے ترک ملاقات چاہئے

جعفر طاہر

---

---

اے وطن جب بھی سر دشت کوئی پھول کھلا
دیکھ کر تیرے شہیدوں کی نشانی رویا

جعفر طاہر

---

---

عرصۂ ظلمت حیات کٹے
ہم نفس مسکرا کہ رات کٹے

جعفر طاہر

---

---

اک عمر بھٹکتے ہوئے گزری ہے جنوں میں
اب کون فریب نگہ یار میں آئے

جعفر طاہر

---

---

جب بھی دیکھی ہے کسی چہرے پہ اک تازہ بہار
دیکھ کر میں تری تصویر پرانی رویا

جعفر طاہر

---

---

ناز ہر بت کے اٹھا پائے نہ جعفرؔ طاہر
چوم کر چھوڑ دیے ہم نے یہ بھاری پتھر

جعفر طاہر

---

---

طاہرؔ خدا کی راہ میں دشواریاں سہی
عشق بتاں میں کون سی آسانیاں رہیں

جعفر طاہر

---

---

تجھے بھی دیکھ لیا ہم نے او خدائے اجل
کہ تیرا زور چلا بھی تو اہل غم پہ چلا

جعفر طاہر

---

---

اٹھی تھی پہلی بار جدھر چشم آرزو
وہ لوگ پھر ملے نہ وہ بستی نظر پڑی

جعفر طاہر

---

---