ab dilon mein koi gunjaish nahin milti 'hayat'
bas kitabon mein likkha harf-e-wafa rah jaega

Hayat Lakhnavi

---

---

chehre ko tere dekh ke KHamosh ho gaya
aisa nahin sawal tera la-jawab tha

Hayat Lakhnavi

---

---

har sada se bach ke wo ehsas-e-tanhai mein hai
apne hi diwar-o-dar mein gunjta rah jaega

Hayat Lakhnavi

---

---

muddaa hum apna kaghaz par raqam kar jaenge
waqt ke hathon mein apna faisla rah jaega

Hayat Lakhnavi

---

---

silsila KHwabon ka sab yunhi dhara rah jaega
ek din bistar pe koi jagta rah jaega

Hayat Lakhnavi

---

---

ye iltija dua ye tamanna fuzul hai
sukhi nadi ke pas samundar na jaega

Hayat Lakhnavi

---

---

ye jazba-e-talab to mera mar na jaega
tum bhi agar miloge to ji bhar na jaega

Hayat Lakhnavi

---

---