main tere waste aaina tha
apni surat ko taras ab kya hai

Ghulam Murtaza Rahi

---

---

pahle us ne mujhe chunwa diya diwar ke sath
phir imarat ko mere nam se mausum kiya

Ghulam Murtaza Rahi

---

---

pahle chingari uDa lai hawa
le ke ab rakh uDi jati hai

Ghulam Murtaza Rahi

---

---

na jaane qaid mein hun ya hifazat mein kisi ki
khinchi hai har taraf ek chaar diwari si koi

Ghulam Murtaza Rahi

---

---

meri pahchan batane ka sawal aaya jab
aainon ne bhi haqiqat se mukarna chaha

Ghulam Murtaza Rahi

---

---

meri kashti ko Dubo kar chain se baiThe na tu
ai mere dariya! hamesha tujh mein tughyani rahe

Ghulam Murtaza Rahi

---

---

kitna bhi rang-o-nasl mein rakhte hon iKHtilaf
phir bhi khaDe hue hain shajar ek qatar mein

Ghulam Murtaza Rahi

---

---

kisi ki rah mein aane ki ye bhi surat hai
ki saya ke liye diwar ho liya jae

Ghulam Murtaza Rahi

---

---

kisi ne bhej kar kaghaz ki kashti
bulaya hai samundar par mujh ko

Ghulam Murtaza Rahi

---

---