ab mere gird Thaharti nahin diwar koi
bandishen haar gain be-sar-o-samani se

Ghulam Murtaza Rahi

---

---

ai mere payab dariya tujh ko le kar kya karun
naKHuda patwar kashti baadban rakhte hue

Ghulam Murtaza Rahi

---

---

apni qismat ka bulandi pe sitara dekhun
zulmat-e-shab mein yahi ek nazara dekhun

Ghulam Murtaza Rahi

---

---

apni taswir ke ek ruKH ko nihan rakhta hai
ye charagh apna dhuan jaane kahan rakhta hai

Ghulam Murtaza Rahi

---

---

chahta hai wo ki dariya sukh jae
ret ka bewpar karna chahta hai

Ghulam Murtaza Rahi

---

---

chale the jis ki taraf wo nishan KHatm hua
safar adhura raha aasman KHatm hua

Ghulam Murtaza Rahi

---

---

dekhne sunne ka maza jab hai
kuchh haqiqat ho kuchh fasana ho

Ghulam Murtaza Rahi

---

---

dil ne tamanna ki thi jis ki barson tak
aise zaKHm ko achchha kar ke baiTh gae

Ghulam Murtaza Rahi

---

---

dusra koi tamasha na tha zalim ke pas
wahi talwar thi us ki wahi sar tha mera

Ghulam Murtaza Rahi

---

---