purkhon se chali aati hai ye naql-e-makani
ab mujh se bhi KHali mera ghar hone laga hai

Ghulam Murtaza Rahi

---

---

meri pahchan batane ka sawal aaya jab
aainon ne bhi haqiqat se mukarna chaha

Ghulam Murtaza Rahi

---

---

meri kashti ko Dubo kar chain se baiThe na tu
ai mere dariya! hamesha tujh mein tughyani rahe

Ghulam Murtaza Rahi

---

---

main tere waste aaina tha
apni surat ko taras ab kya hai

Ghulam Murtaza Rahi

---

---

kuchh aise dekhta hai wo mujhe ki lagta hai
dikha raha hai mujhe mera aaina kuchh au

Ghulam Murtaza Rahi

---

---

koi ek zaiqa nahin milta
gham mein shamil KHushi si rahti hai

Ghulam Murtaza Rahi

---

---

kitna bhi rang-o-nasl mein rakhte hon iKHtilaf
phir bhi khaDe hue hain shajar ek qatar mein

Ghulam Murtaza Rahi

---

---

kisi ne bhej kar kaghaz ki kashti
bulaya hai samundar par mujh ko

Ghulam Murtaza Rahi

---

---

kisi ki rah mein aane ki ye bhi surat hai
ki saya ke liye diwar ho liya jae

Ghulam Murtaza Rahi

---

---