aaj phir aaina dekha hai kai sal ke baad
kahin is bar bhi ujlat to nahin ki gai hai

Faisal Ajmi

---

---

aawaz de raha tha koi mujh ko KHwab mein
lekin KHabar nahin ki bulaya kahan gaya

Faisal Ajmi

---

---

ab wo titli hai na wo umr taaqub wali
main na kahta tha bahut dur na jaana mere dost

Faisal Ajmi

---

---

adawaton mein jo KHalq-e-KHuda lagi hui hai
mohabbaton ko koi bad-dua lagi hui hai

Faisal Ajmi

---

---

chand KHushiyon ko baham karne mein
aadmi kitna bikhar jata hai

Faisal Ajmi

---

---

'faisal' mukalima tha hawaon ka phul se
wo shor tha ki mujh se suna tak nahin gaya

Faisal Ajmi

---

---

harf apne hi maani ki tarah hota hai
pyas ka zaiqa pani ki tarah hota hai

Faisal Ajmi

---

---

jism thakta nahin chalne se ki wahshat ka safar
KHwab mein naql-e-makani ki tarah hota hai

Faisal Ajmi

---

---

kabhi bhulaya kabhi yaad kar liya us ko
ye kaam hai to bahut mujh se kaam us ne liya

Faisal Ajmi

---

---