an ke tabir bhi aaya hota
nit-nae KHwab dikhane wala

Alamtaab Tishna

---

---

had ho gai thi hum se mohabbat mein kufr ki
jaise KHuda-na-KHwasta wo la-sharik tha

Alamtaab Tishna

---

---

hum apne ishq ki ab aur kya shahadat den
hamein hamare raqibon ne mo'tabar jaana

Alamtaab Tishna

---

---

har daur mein raha yahi aain-e-munsifi
jo sar na jhuk sake wo qalam kar diye gae

Alamtaab Tishna

---

---

is rah-e-mohabbat mein tu sath agar hota
har gam pe gul khilte KHushbu ka safar hota

Alamtaab Tishna

---

---

ma-siwa-e-kar-ah-o-ashk kya hai ishq mein
hai sawad-e-ab-o-atish dida o dil ke qari

Alamtaab Tishna

---

---

main jab bhi ghar se nikalta hun raat ko tanha
charagh le ke koi sath sath chalta hai

Alamtaab Tishna

---

---

nafrat bhi usi se hai parastish bhi usi ki
is dil sa koi hum ne to kafar nahin dekha

Alamtaab Tishna

---

---

pahle nisab-e-aql hua hum se intisab
phir yun hua ki qatl bhi hum kar diye gae

Alamtaab Tishna

---

---