ajib turfa-tamasha hai mere ahd ke log
sawal karne se pahle jawab mangte hain

Abbas Rizvi

---

---

ahut aziz thi ye zindagi magar hum log
kabhi kabhi to kisi aarzu mein mar bhi gae

Abbas Rizvi

---

---

ek na-tawan rishta us se ab bhi baqi hai
jis tarah duaon ka aur asar ka rishta hai

Abbas Rizvi

---

---

KHauf aisa hai ki duniya ke satae hue log
kabhi mimbar kabhi mehrab se Dar jate hain

Abbas Rizvi

---

---

kya karun KHilat o dastar ki KHwahish ki mujhe
zist karne ka saliqa bhi ziyan se aaya

Abbas Rizvi

---

---

main jo chup tha hama-tan-gosh thi basti sari
ab mere munh mein zaban hai koi sunta hi nahin

Abbas Rizvi

---

---

talab karen to ye aankhen bhi in ko de dun main
magar ye log in aankhon ke KHwab mangte hain

Abbas Rizvi

---

---

tamam umr ki be-tabiyon ka hasil tha
wo ek lamha jo sadiyon ke pesh-o-pas mein raha

Abbas Rizvi

---

---

wahshat ke is nagar mein wo qaus-e-quzah se log
jaane kahan se aae the jaane kidhar gae

Abbas Rizvi

---

---