آدمی کو چاہئے توفیق چلنے کی فقط
کچھ نہیں تو گزرے وقتوں کا دھواں لے کر چلے

عازم کوہلی

---

---

عازمؔ تیری بربادی میں سب نے مل جل کر کام کیا
کچھ کھیل لکیروں کا بھی ہے کچھ وقت کی کارگزاری بھی

عازم کوہلی

---

---

بات چل نکلے گی پھر اقرار کی انکار کی
پھر وہی بچپن کے بھولے گیت گائے جائیں گے

عازم کوہلی

---

---

دیکھا نہ تجھے اے رب ہم نے ہاں دنیا تیری دیکھی ہے
سڑکوں پر بھوکے بچے بھی کوٹھے پر ابلہ ناری بھی

عازم کوہلی

---

---

دیکھنا کیسے پگھلتے جاؤ گے
جب مری آغوش میں تم آؤ گے

عازم کوہلی

---

---

دکھ پہ میرے رو رہا تھا جو بہت
جاتے جاتے کہہ گیا اچھا ہوا

عازم کوہلی

---

---

ہم لکیریں کرید کر دیکھیں
رنگ لائے گا کیا یہ سال نیا

عازم کوہلی

---

---

ہم نے مل جل کے گزارے تھے جو دن اچھے تھے
لمحے وہ پھر سے جو آتے تو بہت اچھا تھا

عازم کوہلی

---

---

جو ہوا جیسا ہوا اچھا ہوا
جب جہاں جو ہو گیا اچھا ہوا

عازم کوہلی

---

---