wo gale se lipaT ke sote hain
aaj-kal garmiyan hain jaDon mein

Muztar Khairabadi

---

---

aaj dekha hai tujh ko der ke baad
aaj ka din guzar na jae kahin

Nasir Kazmi

---

---

jab zikr kiya main ne kabhi wasl ka un se
wo kahne lage pak mohabbat hai baDi chiz

Nooh Narvi

---

---

chand kaliyan nashat ki chun kar muddaton mahw-e-yas rahta hun
tera milna KHushi ki baat sahi tujh se mil kar udas rahta hun

Sahir Ludhianvi

---

---

main apne jism ki sargoshiyon ko sunta hun
tere visal ki saat nikalti jati hai

Shahryar

---

---

guzarne hi na di wo raat main ne
ghaDi par rakh diya tha hath main ne

Shahzad Ahmad

---

---