visal-e-yar ki KHwahish mein aksar
charagh-e-sham se pahle jala hun

Alamtaab Tishna

---

---

dekh le bulbul o parwana ki betabi ko
hijr achchha na hasinon ka visal achchha hai

Ameer Minai

---

---

phir baiThe baiThe wada-e-wasl us ne kar liya
phir uTh khaDa hua wahi rog intizar ka

Ameer Minai

---

---

aha KHwab mein un se shab bhar visal
mere baKHt jage main soya kiya

Ameer Minai

---

---

wasl ho jae yahin hashr mein kya rakkha hai
aaj ki baat ko kyun kal pe uTha rakkha hai

Ameer Minai

---

---

wasl ka din aur itna muKHtasar
din gine jate the is din ke liye

Ameer Minai

---

---

wo aur wada wasl ka qasid nahin nahin
sach sach bata ye lafz unhin ki zaban ke hain

Ameer Minai

---

---