kahan ka wasl tanhai ne shayad bhes badla hai
tere dam bhar ke mil jaane ko hum bhi kya samajhte hain

Firaq Gorakhpuri

---

---

zara visal ke baad aaina to dekh ai dost
tere jamal ki doshizgi nikhar aai

Firaq Gorakhpuri

---

---

hikayat-e-ishq se bhi dil ka ilaj mumkin nahin ki ab bhi
firaq ki talKHiyan wahi hain visal ki aarzu wahi hai

Ghulam Husain Sajid

---

---

ishq par faez hun auron ki tarah lekin mujhe
wasl ka lapka nahin hai hijr se wahshat nahin

Ghulam Husain Sajid

---

---

shab-e-wasl thi chandni ka saman tha
baghal mein sanam tha KHuda mehrban tha

Haidar Ali Aatish

---

---

wasl ki shab thi aur ujale kar rakkhe the
jism o jaan sab us ke hawale kar rakkhe the

Haidar Qureshi

---

---

dhaDakti qurbaton ke KHwab se jage to jaana
zara se wasl ne kitna akela kar diya hai

Hasan Abbas Raza

---

---