tum kahan wasl kahan wasl ki ummid kahan
dil ke bahkane ko ek baat bana rakhi hai

Agha Shayar Qazalbash

---

---

'faraaz' ishq ki duniya to KHub-surat thi
ye kis ne fitna-e-hijr-o-visal rakkha hai

Ahmad Faraz

---

---

wada kiya hai ghair se aur wo bhi wasl ka
kulli karo huzur hua hai dahan KHara

Ahmad Husain Mail

---

---

hijr ek waqfa-e-bedar hai do nindon mein
wasl ek KHwab hai jis ki koi tabir nahin

Ahmad Mushtaq

---

---

milne ki ye kaun ghaDi thi
bahar hijr ki raat khaDi thi

Ahmad Mushtaq

---

---

wasl ho ya firaq ho 'akbar'
jagna raat bhar musibat hai

whether in blissful union or in separation
staying up all night, is a botheration

Akbar Allahabadi

---

---

aarzu wasl ki rakhti hai pareshan kya kya
kya bataun ki mere dil mein hai arman kya kya

Akhtar Shirani

---

---