nahin nigah mein manzil to justuju hi sahi
nahin visal mayassar to aarzu hi sahi

Faiz Ahmad Faiz

---

---

ye aarzu bhi baDi chiz hai magar hamdam
visal-e-yar faqat aarzu ki baat nahin

Faiz Ahmad Faiz

---

---

do alag lafz nahin hijr o visal
ek mein ek ki goyai hai

Farhat Ehsas

---

---

hijr o visal charagh hain donon tanhai ke taqon mein
akasr donon gul rahte hain aur jala karta hun main

Farhat Ehsas

---

---

mere har misre pe us ne wasl ka misra lagaya
sab adhure sher shab bhar mein mukammal ho gae the

Farhat Ehsas

---

---

use KHabar thi ki hum visal aur hijr ek sath chahte hain
to us ne aadha ujaD rakkha hai aur aadha bana diya hai

Farhat Ehsas

---

---

us ki qurbat ka nasha kya chiz hai
hath phir jalte tawe par rakh diya

Faza Ibn e Faizi

---

---