کھلونوں کے لئے بچے ابھی تک جاگتے ہوں گے
تجھے اے مفلسی کوئی بہانہ ڈھونڈ لینا ہے

منور رانا

---

---

بھوکے بچوں کی تسلی کے لیے
ماں نے پھر پانی پکایا دیر تک

نواز دیوبندی

---

---

بے زری فاقہ کشی مفلسی بے سامانی
ہم فقیروں کے بھی ہاں کچھ نہیں اور سب کچھ ہے

نظیر اکبرآبادی

---

---

کھڑا ہوں آج بھی روٹی کے چار حرف لیے
سوال یہ ہے کتابوں نے کیا دیا مجھ کو

نظیر باقری

---

---

گھر لوٹ کے روئیں گے ماں باپ اکیلے میں
مٹی کے کھلونے بھی سستے نہ تھے میلے میں

قیصر الجعفری

---

---

اپنے بچوں کو میں باتوں میں لگا لیتا ہوں
جب بھی آواز لگاتا ہے کھلونے والا

راشد راہی

---

---

مفلسوں کی زندگی کا ذکر کیا
مفلسی کی موت بھی اچھی نہیں

ریاضؔ خیرآبادی

---

---