ghulami mein na kaam aati hain shamshiren na tadbiren
jo ho zauq-e-yaqin paida to kaT jati hain zanjiren

Allama Iqbal

---

---

KHudi ko kar buland itna ki har taqdir se pahle
KHuda bande se KHud puchhe bata teri raza kya hai

Allama Iqbal

---

---

nahin hai na-umid 'iqbaal' apni kisht-e-viran se
zara nam ho to ye miTTi bahut zarKHez hai saqi

Allama Iqbal

---

---

nahin tera nasheman qasr-e-sultani ke gumbad par
tu shahin hai basera kar pahaDon ki chaTanon mein

Allama Iqbal

---

---

nigah buland suKHan dil-nawaz jaan pur-soz
yahi hai raKHt-e-safar mir-e-karwan ke liye

Allama Iqbal

---

---

nikal ja aql se aage ki ye nur
charagh-e-rah hai manzil nahin hai

Allama Iqbal

---

---

tu shahin hai parwaz hai kaam tera
tere samne aasman aur bhi hain

Allama Iqbal

---

---