sahil ke sukun se kise inkar hai lekin
tufan se laDne mein maza aur hi kuchh hai

Aal-e-Ahmad Suroor

---

---

aDh ke tufan ko aaghosh mein le le apni
Dubne wale tere hath se sahil to gaya

Abdul Hamid Adam

---

---

ek ho jaen to ban sakte hain KHurshid-e-mubin
warna in bikhre hue taron se kya kaam bane

Abul Mujahid Zahid

---

---

log chun len jis ki tahriren hawalon ke liye
zindagi ki wo kitab-e-mo'tabar ho jaiye

Abul Mujahid Zahid

---

---

manzilen na bhulenge rah-rau bhaTakne se
shauq ko talluq hi kab hai panw thakne se

Adeeb Saharanpuri

---

---

parinda jaanib-e-dana hamesha uD ke aata hai
parinde ki taraf uD kar kabhi dana nahin aata

Adeem Hashmi

---

---

DhunD ujDe hue logon mein wafa ke moti
ye KHazane tujhe mumkin hai KHarabon mein milen

seek ye pearls of faithfulness in those lost and drowned
it well could be these treasures in wastelands do abound

Ahmad Faraz

---

---